Coordinadora de defensa do litoral
O pasado día 8/4/2006 reuníronse na casa do Mar focega, convocados por Adega, representantes de diversas asociacións da Mariña así como persoas individualis para tratar de coordinar a acción de defensa do litoral mariñano, que se ve ameazado.
Na mesma, botou a andar a 'Coordinadora de defensa do litoral', grupo de traballo e acción que pretende aglutinar agrupacións e individuos na preservación do noso patrimonio común. Este comunicado da fe do seu nacemento e pretende ser acta inicial da súa actividade de cara ós medios de comunicación, sociedade mariñana e entidades da administración.
A Coordinadora é Cooperativa e igualitaria, tendo a asociación convocante en primeiro lugar un posto semellante ó das outras representadas, e non conta entre os seus fundadores con partidos políticos.
A misión coa que nace será perfilada pouco a pouco mediante as actividades programadas, podéndose resumir en:
Apoiar a legalidade vixente en relación co mantemento da natureza na Mariña.
Impulsar o desenvolvemento de normativas de protección e posta en valor do entrono litoral.
Orientar e mentalizar á cidadanía para poder levar a cabo o mantemento do medio do mellor xeito posible, sen perder de vista o seu desenvolvemento sostible.
Como primeiros pasos do grupo albiscamos esta declaración consensuada e o apoio para que a manifestación galega correspondente ó día mundial do medio ambiente, 5 de xuño, se celebre en Ribadeo. Esta manifestación será unha primeira chamada de atención do que está ocorrendo e pode seguir a ocorrer na Mariña: a destución da costa tal e como a coñecemos para ocupar o seu lugar un muro abigarrado de cemento.
Non será doado, pero hai que dar os primeiros pasos para poder continuar. Haberá que chegar a acordos con industrias e forzas sociais, haberá que deseñar unha auténtica estructura, perfilar os obxectivos, mover á cidadanía, ... queda moito por facer, como sempre que se da un primeiro paso. Lembrando a Machado, 'fáise camiño ó andar', e o grupo xa comezou.